للصبر طاقـــــــــــة لحبيبتي

للصبر طاقـــــة
حسبت ان الطريق اللي بعدنـي عنـك يدنينـي *******وحسبت ان القلوب اللي هوت بالحـب خفاقـه
وحسبت ان الزمن يعطي ولكن كيف يعطينـي********* وحسبت ان الصبر يبقى وانا ادري للصبر طاقه
تجاهلت الحياة لجلك .. ولجـل انـك تحبينـي ********وتعلمت السهر بـدري واعـد نجـوم براقـه
طويت ايامي الصلفة ونسيت همـوم تطرينـي ********وتحمل قلبي جروحه وحبك تجـرح اشواقـه
تمنيت الغـلا ساعة وساعـه مـدة سنينـي *********وتمنيت الهوا لحظة وتـذوب بلحظـة عناقـه
تمنيت الحنـان اللـي يثـور وتذرفـه عينـي********* يريح خافقـي فينـي وتنـام عيـون مشتاقـه
صبرت ولا لقيت الا الأماني بينـك وبينـي **********وبقايا أحلام منثـورة تسطـر باقـي أوراقه
تعبني هاجس الذكرى وأظن انـك نسيتينـي **********عساها تكذب ظنونـي ونـار الظـن حراقـه
حبيبي كم بكت عيني على جرحـي تواسينـي **********مالوم العين يـا قلبـي وحبـك يذبـح فراقـه
يهون البعد لـو طـول مـدام انـك تحبينـي ***********ويهون الجرح يا حبي ويهون الليـل وارهاقـه

وسلمتكم



البرنـــــــــــــــــــس 2000

مشكورين اخواني على الاطلاع وتحياتي لكم
وسامحوني اذا قصرت في شي ولا غلط على احد فيكم
ترى توي مبتدي في القصائد مني بشاعر
بس احيانن يكون اللسان ينطق بما في احساس القلوب نحو الاخرين
او بألاصح المحبين بدون شعور والقلم يخط واللسان يقول
اسف على ان قلبت المواجع للعاشقين

اخوكم البرنس 2000