قصة بدوية في الجامعة

موضوع: قصة بدوية في الجامعة 2008-02-17, 10:29 pm

قصة بدوية في احدى الجامعات السعودية ولكم القصة
مرحبا
هاذي قصة صارت في إحدى الكليات لطالبة وزميلتها .. والقصة هي أنه يُقال أن إحدى طالبات الكلية وهي بدوية كانت تسكن إحدى القرى وكان يغلب عليها طابع البداوة من حيث لبسها لقلة ذات اليد ، وكانت من المتفوقات في دراستها .. وذات يوم مرت إحدى الطالبات ورأتها فقالت: ( شوفوا البدوية..) فحزت هذه الكلمة في نفس الطالبة.. فلما وصلت بيتها كتبت هذه القصيدة التي هي حقاً رائعة فعلاً وهي مايلي:-

اية ابدوية ريحتي بُن وبهـــار ..... هذا شرف ماهو بحقي خطية
أنا بدويه بنت حرٍ من أحرار ..... فزعات ربعي بالشدايد قويه
أناهلي يابنت وافين الأشبار ..... كأنك جهلتي من أنا ياغبيه
ياجاهلة ماتغتذي الشمس الأنوار ..... حنا كما شمسٍ على الأرض ضيه
حنٌا هل الطولات هيبة ومقدار ..... حناٌ مثـــــــــال للشرف والحميه
حنٌا الطنايا للكرم رمز وشعار ..... حنٌا خويٍ مايخلي خــــــــــــويه
الذيب يوم إنه عوى وسط الأسعار .....عشوه ربعي من سنينٍ مديه
يوم إن جدك وتٌـق القفل بالدار ...... بيت الشَعر مفتوح صبح وعشيه
للضيف ريف للمعادين جبار ..... نرد العـــــــــياض ولانهاب المنيه
يابنت لو بكتب من أشعار وأشعار ..... تعجز معاني حروفي الأبجديه
اللعب خلي اللعب لعيال شطار ..... لاتدخـــــلين السيل وانتي نديـــه

..

راعيتها والله البدووية

موضوع: رد: قصة بدوية في الجامعة 2008-02-18, 12:22 pm

تسلم يابرنس2000

موضوع: رد: قصة بدوية في الجامعة 2008-02-18, 6:17 pm

حنــــــــــــــــــا بــــــــــــــدو

حنا عمى عين العدو حنا البداوة وضعنا
واهل الوفا هم ربعنا حنا نتفاخر بأصلنا يابنت هذا طبعنا
ماهي بداوة تلفزيون والا مسلسل اردني
بس بدوي بالمكريفون ولاهد سيفه ينثني
والا بدو بيت السدو
حنا البدو
حنا بداوتنا الاصل
بالقمه حنا مو اقل
حنا بداوتنا تراث
من جيل لي جيل انتقل
حنا معاني ساميه
نروي السيوف الضاميه
نلد المنايا مانهاب لو هي سعاير حاميه
حناالبدو
حنا البداوة عيدنا
ماناكل الا صيدنا
مانعيش عاله مجتمع نموت مانمد ايدنا
حنا البدو
حنا البداوة بدمنا
مانسمي احد عمنا
حتى و لو هو منهو يكون
لوهو زعل ماهمنا
حنا البدو
حنا البداوة عمرنا
محد بيصبر صبرنا
لانها مصنع رجال
نمشي وتمشي بامرنا
حنا البدو
حنا البداوة اصلنا
وحنا البداوة فصلنا حنا بدو متماسكين
وهذي نتيجه وصلنا

للشاعر طلال السعيد

موضوع: رد: قصة بدوية في الجامعة 2008-02-19, 3:42 pm

سلمت ايديك ياعبادي

موضوع: رد: قصة بدوية في الجامعة 2008-02-20, 4:23 pm

من قال يسلم من كل شر
واخوي عبادي تسلم على الرد الحلو منك
ويسلم من يرد بالابيات الجميله ويفتخر فيها بالبداوه
والله يحفضكم اخوكم البرنس 2000