زد في الدنيا حصا د
أعتبر نفسي غريب...جاي أو عابر سبيل
وزادي في الدنيا حصادي...كم بجني في الأخير
ما ني للأبد...لنه لابد الرحيل
جاي أنا للدنيا ضيف...وراحل مهما يصير
كل واحد له عمر...كاتبة ربه "الجليل"
ومهما طال بنا العمر يبقى هو عمر قصير
دنيا ما تخلد بشر...عنها لا يمكن تميل
ما تخلي فيها حد...تأخذ كبير وصغير
ليه نغفل في الحياة ؟ له نجهل السبيل ؟
وليه اكبر همنا هذي الدنيا تصير
أدري في الدنيا سعادة... حظها بس القليل
وأنت لو تبغي حقيقة...الألم أكثر كثير
العمر مره وحيدة... مالنا عمر بديل
ليه تتكبر وتظلم ؟ ليه تأكل حق الغير
ليه غارق في الذنوب ؟ شايف عمرك طويل
ليه ما ترجع تتوب ؟أنت في وضع خطير
لو يمر (الموت) لحظة...ماتردها...مستحيل
والله الوقت غالي... ما تحس إلا يطير
إحنا ما جينا عبث... كل لوزره يشيل
والتقي مغفور ذنبه...له عفو ويبشر بخير
ربي غرقنا بفضايل...ليه ننكر الجميل
يا كثر ما أنعم علينا...وكم شربنا الغدير
ألحمد وأجب علينا...ونشكره شكر جزيل
واللي يجحد بالنعم شخص معدوم الضمير
احمده وسبح وكبر...خل ميزانك ثقيل
اذكره مره...وعشره...خلها أميه تصير
و(ربي اغفر لي) سهله...قولها صبح وليل
خل ذكره في حياتك وفي شرايينك يسير
وأنت في موضع سجودك...انكسر له كالذليل
أنت لو مهما تجبرت...له مسكين وكسير
اسأل ومنه الإجابة...وكم في ذلك دليل
ليه تخجل من سؤاله ؟ ارفع أيدك وأستجير
نعم مولى يا الهي... ربي ونعم "الوكيل
"يا العفو" ارحم عبادك.. ومن وعذاب النار
يا الرحيم" اغفر ذنوبي ياحسيب وياوكيل"
يا "مجيب"اسمع دعائي ربي يدعو لك فقير
يوم يفر( الموت) المرء أمه ولده وأغلى خليل
أقصى ما أتمنى جنه...وأنجو من نار السعير
جاني إحساس الكتابة يوم أنا دمعي يسيل
وان كرهتوها القصيدة راح تكون أول وأخير
والسلام خير الختام ابوسهى
الرئيسية 
أحدث الصور 
موضوع: زد في الدنيا حصاد 
2008-02-23, 10:52 am
